مدونة دمها خفيف اسمها انا عايزة اتجوز ! والظاهر ان لها شعبية جامدة بين أوساط "اللى عايزين يتجوزوا " واللى موش عايزين كمان
..والظاهر ان صاحبتها بدأت زيى كده بتكتب لنفسها.. فأنا يا إخوانى " وأعوذ بالله من كلمة انا " باكتب لنفسى وكمان ممكن اعلق على
كتاباتى دى واختلف معايا وتقوم بينى وانا معارك كلامية ومشادات سفسطائية للوصول لحل وسط بين رأيي ورأيى الآخر وفى النهاية نصل الى
حل وسط اللى هو وجهة نظرى انا طبعاً.. المهم ان أختنا اللى عايزة تتجوز اتطورت معاها العملية والمدونة اشتهرت وكمان عملت كتاب
شكله جامد أوى ..طبعا ً الموضوع مجاش كده بالصدفة فصاحبة المدونة ذات اسلوب رشيق وتعبيرات مرحة خفيفة وفى نفس الوقت معبرة
عما يجول فى خاطرها ،هى كاتبة بالفطرة .. المشكلة دلوقتى لو (بقول لو ) اتجوزت هاتعمل ايه فى المدونة وكمان الكتاب !!! ( للعلم لو حرف امتناع الوجوب لامتناع الشرط! يعنى مستحيل الوجوب لاستحالة الشرط ) وادى رابط للمدونة
ليست هناك تعليقات:
إرسال تعليق